Ynskjer du ein meiningsfull jobb med menneske? Vil du vera med på laget vårt og legge til rette for våre tenester?
Vik kyrkjeleg fellesråd har ledig 50 % stilling som kyrkjelydsarbeidar frå 15. august 2026.
Hjå oss får du ein fleksibel arbeidskvardag der du i stor grad kan påverke dine eigne arbeidsoppgåver. Endeleg omfang av arbeidsoppgåver vert fastsett saman med den som vert tilsett i stillinga.
Vik kommune ligg på sørsida av Sognefjorden, midt i Sogn, og består av bygdene Vik, Fresvik, Feios, Vangsnes og Arnafjord, til saman 5 sokn. Vik kyrkjelege fellesråd er del av Sogn prosti og Bjørgvin bispedømme. Kommunen har 2550 innbyggjarar, og har eit variert næringsliv innan kraft, industri, teknologi, tradisjonsrikt landbruk og eit reiseliv i vekst. Her er det kort veg frå fjord til fjell og området er rikt på natur- og kulturarv.
Arbeidsoppgåver
- Delta i å vidareutvikle og gjennomføre kyrkjeleg undervisning og læring for barn og unge med særskilt ansvar for 0-16 år. Dette inkluderer også konfirmantarbeid saman med prest
- Administrative oppgåver knytt til tenester og drift ved kyrkjekontoret
- Medansvar for tilbod til vaksne i kyrkjelyden, gjerne også innan diakoni
- Delta på stabsmøter og anna samarbeidsforum
Kvalifikasjonar
- Relevant høgare utdanning, gjerne med pedagogikk og kristendom i fagkretsen
- Realkompetanse kan vege opp for utdanning
- Erfaring i bruk av IKT- verktøy og kjennskap til bruk av sosiale media
- Erfaring frå, og interesse for arbeid med barn og ungdom
- Kunne norsk munnleg og skriftleg
- Personlege eigenskapar vert lagt vekt på
- Søkjarar må vera medlem i Den norske kyrkje (DNK)
- Politiattest jfr. Trossamfunnslova § 20
Personlege eigenskapar
- Engasjement for arbeid med å skape gode møteplassar for ulike aldrar, samt formidle tru gjennom undervisning og kyrkjelydsbygging
- Vilje og evne til samarbeid
- Kunne arbeide sjølvstendig og vera fleksibel
Vi tilbyr stor grad av fleksibilitet i eit godt arbeidsmiljø. Disponerer du bil er det fint, men det er ikkje eit krav.
Vi tilbyr tariffløn og gode pensjons- og forsikringsordningar.
For informasjon ta kontakt med kyrkjeverje Turid Kristine Brekke
tlf. 922 28 593 eller på e-post turid.kristine.brekke@vik.kommune.no
Søknadsfrist 12. april 2026
Send søknad til Vik kyrkjeleg fellesråd, pb 134, 6891Vik i Sogn
eller e-post til turid.kristine.brekke@vik.kommune.no