Informasjon om gjennomføring av kyrkjevalet 2023 i sokna i Vik
Kyrkjevalet finn stad 11. september 2023. Val av leke medlemmer av bispedømeråd og Kyrkjemøtet finn stad samtidig med val av nye sokneråd i alle sokna i Vik kommune; Arnafjord, Vik, Vangsnes, Feios og Fresvik.
Røysting til kyrkjevalet er samkøyrt med kommunevalet og vil difor vere i same bygg og til same tid i alle sokn som val til kommunestyret.
Det er mogeleg å førehandsrøyste fysisk i perioden 10. august til 8.september. Røystinga kan skje på Vik kyrkjekontor (kommunehuset) måndag , tysdag og onsdag i denne perioden mellom klokka 10 og 12. I tillegg tilbyr me fysisk førehandsrøysting torsdag 31. august kl 15-20. Det vil også verta høve til å førehandsstemme ved Vik Bygde- og sjukeheim etter nærare avtale. Digital førehandsrøysting opnar også 10. august og varer til 6. september
I begge vala er det høve til å gjere endringar på listene, til dømes å gje personstemme til enkelte kandidatar. Kva for endringar det gjeld, korleis endringane påverkar valresultatet og anna nyttig informasjon kan du finne på www.kyrkjevalet.no
Ved spørsmål om ein står i mantal i rett sokn; ta kontakt med kyrkjekontoret.
---
Det skal veljast nye råd i Arnafjord sokn(4 medlemmer, 3 vara), Feios sokn(6 medlemmer, 4 vara), Fresvik sokn(4 medlemmer, 3 vara), Vangsnes sokn(4 medlemmer, 3 vara) og Vik sokn(8 medlemmer, 5 vara). Kyrkjevalet er eit fleirtalsval. Dei personane som får flest stemmer, vert valde inn i sokneråda.
Vallistene til val av nye sokneråd er klare. Sjå vedlegg under.
Valliste - Arnafjord sokn
Valliste - Feios sokn
Valliste - Fresvik sokn
Valliste - Vangsnes sokn
Valliste - Vik sokn